(1:30pm,我餵飯,葉閃唔食飯,一放餐匙埋嘴葉閃就轉面)
喂,又唔食飯?
閃閃,um um um um um,d 飯真係香喇!
(葉閃死都唔開口)
媽媽食兩啖先(作狀放入口)um!(扮吞左,再餵入葉閃個口,又搖頭唔食)
又唔食?點算好呢... 唔通未肚餓?
唔係丫,都成一點半啦,遲左個半鐘先食架喇喎...
唔通佢又蝦我?我要惡 d 叫佢食?
嗯... 點扮惡好呢...
(聲音變得強硬)葉閃,食飯喇。
(葉閃冇反應)
(聲音變得更強硬)葉閃,食飯喇,唔可以再蝦媽咪喇。
嗯... 其實我又唔應該一開始就假設佢扭計既...
唔通佢想先食魚?
(變返 tum b 的高音)閃閃,魚魚啊。
(餵到埋口,又唔食)
唔通想先食飯?
(變返 tum b 的高音)閃閃,食飯啊。
(又唔食,仲伸隻腳上食飯枱)
(我又扮惡)喂,唔準伸隻腳上黎,收返埋佢。(我放返佢隻腳落枱底)
(餵埋葉閃口,佢都係唔食)
(我開始想投降)
不如打俾閃嫲求救好冇呢?
閃閃,你再唔食飯我打電話俾嫲嫲架喇?
但一打去,我又會想放棄等嫲嫲黎餵架喇...
堅持下啦...
應唔應該俾佢落地玩下先呢?
但佢話唔食就唔食,又會唔會縱壞佢呢?
應唔應該俾佢落地玩下先呢?
但佢話唔食就唔食,又會唔會縱壞佢呢?
(我開始肚餓,因為餵左成粒鐘,自己都未食飯)
閃閃,你再唔食飯,媽媽食架喇?(我自己先食一啖,好食,堅肚餓)
拿,你睇下,媽媽都話好食喎,你食唔食啊?
真好食!
拿,你睇下,媽媽都話好食喎,你食唔食啊?
(葉閃又唔食,我又食多啖)
真好食!
唔食一餐半餐不會餓壞的, 反而死請爛催小朋友食飯就會縱壞。定時定候開餐, 中間不要加零食, 建立他的生活時鐘, 餓了就自然會食。
ReplyDelete