球迷老婆奇遇記 - 世界盃開鑼！

1. 世界盃原來唔只係兩個鐘一場。球迷為左要捧自己既球隊，開賽前一刻都要打 xBox，揀返即將開賽既球隊踢返場。現實賽果難料，至少要打機贏你 ... 老婆唯有放棄睇電視既自由。


2. 大肚老婆要保持充足睡眠，但球迷要睇深夜精彩球賽，於是兩人進行分房協議。

3. 但老公會突然衝入房，問老婆做咩唔俾個 b 睇波 ... 老婆唔係唔俾，但要打開個肚皮睇咩...

4. 老婆訓到半夜扎醒，聽到客廳水靜河飛，但房內又不見人影... 一出廳，原來球迷o係等球賽開始之際由小睡變昏迷...

5. 老婆唯有叫醒球迷入房訓，但球迷醒來第一句係「幾點？幾比幾？」老婆一睇鐘，回一句「踢完喇！」

6. 球迷好懶訓，眼都冇開過，但個口堅持不停叫「幾比幾？」

7. 老婆為求早 d 訓覺，唯有打開電視，但轉左幾個台都冇報... 最後好似叫仔起身咁，叫左勁耐先拉得郁個豬腩球迷...

8. 球迷一衝入房就飛落床，但轉頭又突然話去屙尿，久久不見人...

9. 原本好眼訓既球迷好快又醒過來，打開電腦回顧精彩一刻...

10. 一個懶訓但賴死既球迷同醉酒佬可以一樣可怕。